domingo, 30 de noviembre de 2014

CONCURSO BLOG NATURA

O mes de novembro rematou e, con el, o prazo para poder participar no concurso de debuxo. Aquí vos deixamos os participantes de "O meu horto ideal"

Xa é o momento de votar o noso gañador!

jueves, 27 de noviembre de 2014

A SEÑORA NIEVES SABE MOITO SOBRE XABÓNS

Esta semana, a bisavoa de Aitor fíxonos unha visita. Agasallounos con valiosa información sobre a elaboración de xabóns, tema que nós estamos a traballar no noso proxecto de investigación.

Nieves fai xabñons con aloe vera, con fresas e... tamén con chocolateCheiran de marabilla!

Premede na imaxe se queredes ver o vídeo coas fotos desta fantástica experiencia!





miércoles, 26 de noviembre de 2014

SAÍDA A UN CENTRO DE XARDINERÍA

Os alumnos/as de 1º e 2º visitaron un centro de xardinería na Ramallosa.
Fixeron un percorrido polos diferentes espazos do centro: plantas de interior, de exterior, hortalizas, culinarias, acuáticas... As que máis lles chamaron a atención foron as... plantas carnívoras!
Disfrutaron moito desta saída e das explicacións de Patricia e Teresa, co seu afán de facerlle agradable a visita aos nenos.
Rematou cun agasallo para cada un: bulbos de tulipán para plantar, coidar e agardar a que florezan na primavera.

lunes, 24 de noviembre de 2014

A FOLLA SECA, UNHA HISTORIA SOBRE O OUTONO

Hoxe, Desi de 6º, coa colaboración de Claudia, contoulle aos nenos do 1º e 2º ciclo o conto A folla seca.
Trata da historia dunha folla, Amara, que coa chegada do outono non quería deixarse caer da pola da árbore.
Fantástica Desi, o "atrezzo" que preparou e a proposta de decorar follas para colocar nun recuncho da biblioteca.

jueves, 20 de noviembre de 2014

APRENDENDO A RECICLAR CON SOGAMA

Hoxe, durante case toda a mañá, tivemos no cole a Juan e Jorge, dous traballadores de SOGAMA ( SOciedade Galega do Medio Ambiente) para traballar con nós sobre a importancia da reciclaxe e para amosarnos o xeito de facelo correctamente.

Fixeron catro sesións cos alumnos (3º, 4º, 5º e 6º de Educación Primaria), que tiñan como obxetivo concienciar da importancia de reciclar o lixo nas nosas casas.

As actividades desta campaña, chamada Separemos ben, reciclemos mellor, foron atractivas e variadas:

- Para comezar, contáronnos que é reciclar e déronnos uns folletos para poder acudir a eles no caso de  ter dúbidas á hora de botar o lixo nun colector ou noutro.

Nos folletos temos toda a información que precisamos


- Despois, xogamos a identificar o lixo que estaba ben ou mal colocado nuns colectores que eles trouxeron. Aprendemos que as bandeixas do peixe ou da carne van no colector amarelo ou que as bombillas hay que levalas ao sitio no que as mercamos.

Todos queríamos responder ás preguntas!

- A continuación, explicáronnos a través dunha presentación e dalgún vídeo que é a reciclaxe, canto lixo produce unha soa persoa ao cabo do ano e os problemas de contaminación que pode causar o lixo non reciclado.
Faláronnos das pilas, dos medicamentos, do aceite, do punto limpo... Nesta ligazón podedes atopar toda a información que precisades sobre a reciclaxe:


Déronnos datos moi interesantes!

- Finalmente, xogamos por equipos a tirar lixo nos colectores axeitados. Tiñamos que chegar a 1o puntos para gañar!

Sabíades que o papel de aluminio vai no colector amarelo?

Para rematar a sesión, entregáronnos un agasallo a cada un de nós: unha bolsiña cargada de información.
E para o cole, como saben que estamos a traballar nun horto ecolóxico, deixáronnos este manual para aprender a facer compost. Premeda na imaxe e iredes á páxina para descargalo!



Aquí vos deixamos tamén o resumo da sesión por un alumno de 6º curso:

Mauro explica con claridade todo o que aprendeu

miércoles, 19 de noviembre de 2014

COIDANDO E PROTEXENDO O NOSO HORTO

Hoxe, os alumnos de 4º baixamos ao horto para botar un pouquiño de cinza ao redor das plantas, pois oa caracois, as babosas e as formigas estaban acabando con elas! Ademais, así as protexemos de posibles fungos e nutrimos o chan (pois a cinza é rica en potasio).

Puxemos moito coidado en facelo ben, como a profe nos explicou. 
Agora só queda saber se é eficaz!

domingo, 16 de noviembre de 2014

O HORTO COMO RECURSO ESCOLAR

Atopamos esta valiosa información no blog maestro de Voxz Natura hai uns días e non queremos deixar de compartila con vós.
Para todos aqueles que estean interesados no horto escolar como recurso didáctico para o aprendizaxe, aquí tedes. Premeda na imaxe para lelo:


viernes, 14 de noviembre de 2014

SEMENTANDO CALENDULAS


Os nenos/as de 1º baixamos a semana pasada ao noso horto para coller terra para as nosas macetas.
Queríamos ver se medraban as sementes de caléndula que nos regalou a profe Irene na primeira sesión de contacontos deste curso.
Preparamos a terra con humus de lombriz, botamos as sementes, regamos e as colocamos a carón dunha ventá.

Non gastamos nada de paciencia para ver o que medra porque non pasaran nin tres días e xa tíñamos as macetas cheas de brotes.
Agora xa temos outro saquiño de paciencia para esperar a que saian as flores. Serán como as da foto? Se premedes na imaxe atoparedes todas as propiedades que ten esta planta.

martes, 11 de noviembre de 2014

"CASTAÑEIRO" PARA O MAGOSTO

Os alumnos de 4º, como padriños e madriñas da aula de 4 anos e traballando conxuntamente con eles, fixemos unha manualidade para usar no magosto.
Trátase dun "castañeiro", eleborado con materiais de refugallo e moito agarimo para que os máis pequenos podan gardar as castañas que van comer mentres están quentiñas (para non queimarse).
Se vós tamén queredes facer un, é moi sinxelo!

Precisades:

- Un tetrabrik vacío
- Papel de periódico
Cola branca
- Témpera branca
- Unha folla seca
- Cordón, la ou tea vella
- Regra
- Lapis
- Tixeiras
- Grampadora
- Pincel


E aquí vos deixamos os pasos a seguir:

1º - Medir o tetrabrick para marcalo e cortalo pola metade.

Medir

Marcar
Cortar







2º - Grampar as dúas metades.

Grampar

3º - Romper o papel de periódico en anacos pequenos.

Facer anacos de papel de periódico

4º - Pegar os papeis sobre o tetrabrick con cola, ata cubrilo completamente.

Botar cola
Pegar os papeis







5º - Pintar con témpera branca a folla. Podemos facer puntos e liñas, de xeito que pareza unha pintura tribal.

Pintar a folla

6º - Unha vez seca, pegamos a folla sobre o papel de periódico.

Pegar a folla

7º - Facer un buraco nos laterais do tetrabrick para pasar por eles a corda, a la oo a tea.


Facer un buraco a cada lado
8º - Deseñar unha etiqueta para escribir o nome.


Deseñar a etiqueta

9º - Cortar á nosa medida o cordón, a la ou a tea vella e pasala polos buracos da etiqueta e do tetrabrik.


Meter o cordón polos buracos

10º - Facer un nó a cada lado e... listo para usalo!

"Castañeiro" listo para usar!

Animádevos, é moi divertido!

miércoles, 5 de noviembre de 2014

PARA ENTRAR EN MATERIA... POMELO AL OTRO LADO DEL HUERTO

Hoxe Alex, Antía, Olaia e Tania, alumnos de 5º, contáronlle aos nenos de 5 anos e de 1º Pomelo al otro lado del huerto.

Emocionounos a historia do protagonista, un pouco triste e asustado por deixar atrás o coñecido e ter que abrirse a descubrir cousas novas.

Emocionounos máis o xeito como o contaron, o ben que o prepararon e os agasallos que lles deron: Pomelos pequerrechos para os pequenos e Pomelos grandotes para as aulas.


  Parabéns para ALEX, TANIA, OLAIA e ANTÍA por emocionarnos  tanto!


martes, 4 de noviembre de 2014

CONCURSO DE DEBUXO PARA DESEÑAR A CABECERA DO NOSO BLOGUE

Aquí vos deixamos as bases do concurso de debuxo que dende a Biblioteca, xunto co Equipo de TICS, propoñemos para este mes de novembro.
O debuxo gañador será a cabecera do blogue do noso proxecto de Voz Natura titulado Pouquiño a pouco creamos o noso horto.

Animádevos a participar! 

lunes, 3 de noviembre de 2014

OS MEDIOS FANSE ECO DO NOSO PROXECTO

O noso proxecto Pouquiño a pouco creamos o noso horto está comezando a ser coñecido máis aló das fronteiras da nosa comunidade educativa, pois os medios de comunicación interesáronse por el.
Primeiro foi a radio. Irene, a nosa coordinadora, falou con Isidoro Valerio no programa Voces de galicia, da emisora Radiovoz, o día 14 de outubro.


Irene nun momento da entrevista


Aquí vos deixamos a entrevista completa:


Despois, o día 30 de outubro, foi o periódico La Voz de Galicia, na súa sección área metropolitana, quen nos adicou unha noticia para contar todo o que fixemos no cole con motivo do Samaín.

Esta é a noticia que publicaron e, se premedes na imaxen, poderedes ver tamén o resto de imaxes que apareceron na edición dixital do diario.

A noticia en prensa o venres  31 de outubro

Seguiremos informando!