martes, 14 de junio de 2022

ROLIÑOS DE PRIMAVERA

   Esta semana preparamos uns roliños de primavera con xamón, queixo e leituga do invernadoiro.

Despois de plantar, regar, arrincar malas herbas e mimar as legumes que temos na horta chegou a hora da colleita. Neste caso recollemos as leitugas para facer uns roliños de primavera e unhas "brochetas" moi apetitosas.


Amorodos, tomates e leitugas do invernadoiro!

Premer na imaxe para visualizar!



miércoles, 8 de junio de 2022

DÍA DO MEDIO AMBIENTE

 

5 de xuño, Día do Medio ambiente!


            O alumnado de  3 anos, coa axuda dos Padriños lectores, plantaron unha árbore para conmemorar esta data tan importante.

            Os alumn@s de 3º P, coñecedores dos coidados que precisan as plantas, as árbores e os arbustos, regárona e  informáronse das súas características.

            Este ano plantamos unha Moreira.


 


"Padriños lectores e afillad@s plantado unha moreira no patio!"
  

jueves, 19 de mayo de 2022

RESINACIÓN DE PIÑEIROS

  Esta semana a Comunidade de Montes de Vincios invitounos a participar  nunha actividade de resinación de piñeiros no monte. 

    Tivemos que buscar información sobre o proceso de extración de resina dalgunhas especies arbóreas que temos na contorna e atender ás explicacións que recibimos de parte dos responsables da actividade,  Eduardo e Jose.

    Resultou moi interesande comprobar as técnicas que se usan para quitar a resina das árbores e o mesmo tempo non facerlles mal. Non só nos deron información sobre as vantaxes do emprego desta técnica senón tamén dos produtos e derivados  que se obteñen .


Moitas grazas por invitarnos!


Que actividade máis interesante!




viernes, 6 de mayo de 2022

VERMES DA SEDA

     Estamos a criar as larvas dunha bolboreta da familia dos  bombícidos que produce unha substancia coa que se fai un fío e un tecido moi fino.

    Observaremos as fases polas que vai pasar: ovo, larva, crisálide e pupa. Estamos moi interesados nos cambios que se amosan a diario.


"Vermes da seda comendo follas de moreira"


martes, 19 de abril de 2022

PLANTAMOS LEITUGAS E TOMATES!!!

       Xa comezamos coas tarefas no horto! Neste mes de abril plantamos leitugas e tomates dentro do invernadoiro. As tomateiras deixámolas arrimadas ao plástico, cara ao nordés, para que non fagan sombra ás leitugas. Ao rematar a plantación regamos a terra ben e os vindeiros días iremos observando a súa evolución. 


     
 

Traballando no invernadoiro! Cultivando leitugas e tomates!


Ao rematar regamos ben a terra!




sábado, 5 de junio de 2021

Día do Medio ambiente

     Todos os anos celebramos o Día do Medio ambiente plantando unha árbore  e logo rematamos recollendo o  lixo do patio. Este curso está a ser especial e mudaron algúns dos costumes. 

    O alumnado de 3 anos, axudados polos Padriños lectores, baixaron ao patio para engadir ao listado de árbores do colexio unha nova especie: Ceibo, orixinaria de Sudamérica.


Grazas Pablo por axudarnos coa plantación!




martes, 20 de abril de 2021

Decoramos con plantas

  Estes días non só estivemos a plantar leitugas, tomates e acelgas no horto senón tamén plantas aromáticas e ornamentais no patio, na entrada principal e nos bloques de acceso ao centro. 

    Preparamos a terra, arrincamos as malas herbas, engadimos fertilizante e plantamos gromos e aromáticas que mercamos e outras que trouxemos da casa.


"Decoramos o caracol de madeira con plantas aromáticas"


"Preparamos a terra, plantamos e regamos!"
Premer  AQUÍ  para visualizar a montaxe!