Proxecto Voz Natura do C.E.I.P. Serra Vincios
O equipo de dinamización da lingua galega propuxo unha actividade moi interesante que xorde a partir dun poema de Rosalía de Castro.
Acordamos sementar pensamentos para decorar o cole na primavera. Os padriños axudaron aos afillados e entre tod@s fixemos moitos sementeiros. Esperemos que medren axiña!
Este venres baixamos á "Nosa horta" para plantar menta e incenso no Caracol das aromáticas. Unha vez alí, aproveitamos para arrincar alguhas malas herbas, podar o fiuncho e botarlle compost á terra do caracol.
Esta semana preparamos uns roliños de primavera con xamón, queixo e leituga do invernadoiro.
Despois de plantar, regar, arrincar malas herbas e mimar as legumes que temos na horta chegou a hora da colleita. Neste caso recollemos as leitugas para facer uns roliños de primavera e unhas "brochetas" moi apetitosas.
5 de xuño, Día do Medio ambiente!
O alumnado de 3 anos, coa axuda dos Padriños lectores, plantaron unha árbore para conmemorar esta data tan importante.
Os alumn@s de 3º P, coñecedores dos coidados que precisan as plantas, as árbores e os arbustos, regárona e informáronse das súas características.
Este ano plantamos unha Moreira.
Esta semana a Comunidade de Montes de Vincios invitounos a participar nunha actividade de resinación de piñeiros no monte.
Tivemos que buscar información sobre o proceso de extración de resina dalgunhas especies arbóreas que temos na contorna e atender ás explicacións que recibimos de parte dos responsables da actividade, Eduardo e Jose.
Resultou moi interesande comprobar as técnicas que se usan para quitar a resina das árbores e o mesmo tempo non facerlles mal. Non só nos deron información sobre as vantaxes do emprego desta técnica senón tamén dos produtos e derivados que se obteñen .
Estamos a criar as larvas dunha bolboreta da familia dos bombícidos que produce unha substancia coa que se fai un fío e un tecido moi fino.
Observaremos as fases polas que vai pasar: ovo, larva, crisálide e pupa. Estamos moi interesados nos cambios que se amosan a diario.
Xa comezamos coas tarefas no horto! Neste mes de abril plantamos leitugas e tomates dentro do invernadoiro. As tomateiras deixámolas arrimadas ao plástico, cara ao nordés, para que non fagan sombra ás leitugas. Ao rematar a plantación regamos a terra ben e os vindeiros días iremos observando a súa evolución.
