OUTRA SESIÓN DE CONTOS CON CONCIENCIA

Hoxe Aida, Ruth e Ángela de 5º, coa colaboración de Tania, fixeron rir a esgalla aos alumnos de E.I. e de 1º co texto tan gracioso deste conto que encadeaba un animaliño tras outro para atopar o causante do problema. 
Porque... se falta un animal na cadea... os demais van ter problemas!

Gustoulles  tanto a  interpretación  aos nenos e nenas que as contistas tiveron que facer un "bis" e, aínda así,  os pequenos marcharon  para as súas clases berrando: Outra vez!

Parabéns rapazas polo bo traballo!

CONTOS CON CONCIENCIA, TAMÉN NO DÍA DA POESÍA

Como todo este ano está relacionado co proxecto do noso horto, non ía ser meno o mes que a nosa Biblioteca adica á poesía.

No recuncho preparado na entrada para recitar poesía cada día na Hora de ler, a profe Irene leu un conto rimado titulado El abuelo Opoto, en colaboración cos alumnos de 4º, no que se fala da importancia de coidar o hábitat dos animais en perigo de extinción.

A verdade que este Ciclo de Contos con conciencia está dando moito de si!

Aquí vos deixamos a hitoria, para que non vos esquezades de que, cando teñades un problema e pensedes que non ten solución... "encontrarás la manera, ¡Si usus la imaginación!

El abuelo Opoto from Irene Miñambres Justo on Vimeo.

PILÚ, PILÚ E A MAXIA DA NATUREZA

Hoxe os alumnos dende Infantil ata 4º asistiron a unha moi especial sesión de contacontos. Xiana, de 2º, fíxonos disfrutar moitísimo coa súa posta en escea para contarnos Pilú, Pilú.

A historia fálanos das relacións que se establacen entre os animais du n xeito natural. Neste caso, entre un enorme crocodilo e un pequeno paxarino... Sabíades que se fan falta mutuamente?

A posta en escea foi do máis orixinal: ela converteuse no paxarino e narrou con moito xeito, fixo as voces das personaxes, púxonos a todos a cantar con ela...

 Parabéns para unha pequena , gran contista!

DUAS HISTORIAS PARA REFLEXIONAR

Hoxe, na sesión de lectura, María de 6º, coa colaboración da profe Irene, contounos dous contos preciosos moi relacionados co respecto por todo o que nos rodea: natureza e persoas.

Wangari y los árboles de la Paz fálanos de Wangari Maathai, Premio Nobel da Paz no 2004 pola súa contribución ao desenvolvemento sostible e a súa loita pola convivencia pacífica. o público emocionouse coa historia desta muller tan valente!
Historia de un árbol é un álbum ilustrado que narra unha conmovedora historia dunha árbore que vivía feliz no bosque... ata que un día todo cambiou. Non deixedes de lelo!

                                     

PARABÉNS a María por emocionarnos tanto e a Irene por escoller estes contos para que reflexionemos como facer compatible a nosa forma de vida co respeto ao medio que nos rodea.

CONTACONTOS MARÍA 6º - Kizoa Movie Maker

A FOLLA SECA, UNHA HISTORIA SOBRE O OUTONO

Hoxe, Desi de 6º, coa colaboración de Claudia, contoulle aos nenos do 1º e 2º ciclo o conto A folla seca.

Trata da historia dunha folla, Amara, que coa chegada do outono non quería deixarse caer da pola da árbore.

Fantástica Desi, o "atrezzo" que preparou e a proposta de decorar follas para colocar nun recuncho da biblioteca.

PARA ENTRAR EN MATERIA... POMELO AL OTRO LADO DEL HUERTO

Hoxe Alex, Antía, Olaia e Tania, alumnos de 5º, contáronlle aos nenos de 5 anos e de 1º Pomelo al otro lado del huerto.

Emocionounos a historia do protagonista, un pouco triste e asustado por deixar atrás o coñecido e ter que abrirse a descubrir cousas novas.

Emocionounos máis o xeito como o contaron, o ben que o prepararon e os agasallos que lles deron: Pomelos pequerrechos para os pequenos e Pomelos grandotes para as aulas.

  Parabéns para ALEX, TANIA, OLAIA e ANTÍA por emocionarnos  tanto!

CONTOS CON CONCIENCIA

Hoxe deu comezo o V Ciclo de Contacontos da nosa biblioteca escolar. 

Este ano titúlase Contos con conciencia e o tema en torno ao que xirarán todas as sesións será o respecto e coidado deste mundo no que vivimos.

Haberá títeres, lecturas, dramatizacións... a cargo de profsores, familias e alumnos. Aquí contamos todos!

A primeira sesión levouna a cabo Irene para os nenos de 1º, 2º e 3º. Contou dous títulos coñecidos por moitos: Imos cazar un óso e Anínda nada?

Os asistententes metéronse nas historias dende o primeiro momento e, ao finalizar, recibiron un pequenmo agasallo para cultivar a súa paciencia :)

Deixamos aquí algúns momentos da sesión!

Todos preparados para comezar a sesión

Irene nun momento do conto Imos cazar un óso

Non podíamos crer o que lle pasou ao señor Luis

Un pequeno detalle para os asistentes

A ver canta paciencia temos!

QUE TAL VEXETAL?

Ola a todos/as!

Hoxe estivemos facendo un taller de vexetais. En primeiro lugar, lemos o conto Que, tal vexetal? Despois, dividímonos en catro grupos: grupo azul, grupo vermello, grupo verde e grupo amarelo. En cada un deles, había nenos/as de 3, 4 e 5 anos mesturados. Logo comezou a aventura: 

- Taller de caras divertidas no Encerado Máxico. Xogamos aos xogos de Mr. Potato, Mr. Banana Head y Mr. Veghead. 

- Taller de caras super divertidas. Pintamos olliños, boca, nariz, orellas e inclusive pés. Mirade que resultado tan fantástico.

Exposición dos vexetais elaborados polos alumnos de Infantil

Detalle no que se aprecian os sentimentos dos vexetais