Proxecto Voz Natura do C.E.I.P. Serra Vincios
Hoxe visualizamos en vivo e en directo a vida das abellas dentro dunha colmea grazas aos pais de Anxo e Diego de primeiro curso. Amosáronnos os utensilios que empregan para limpar a colmea, retirar o mel e cuidar das abellas. Resultou moi interesante!
Hoxe celebramos o Día do Medio Ambiente plantando na horta e limpando de herbas o caracol de aromáticas. Ao final regamos ben a terra e recollemos restos de plástico que había entre a maleza.
O venres estivemos a investigar que bechos viven na terra da horta e nos restos da composteira. A simple vista parece que non están pero se oabsevamos con coidado podemos ver moitos seres que viven transformando os restos vexetais e alimentarios en compost para a nosa horta. Con axuda das lupas e dos microscopios puidemos visualizar moitas características destes seres vivos
Antón, o monitor do Programa Revitaliza, amosounos moitos dos bechos que viven na terra e falounos da importancia que ten a actividade que realizan.
Hoxe baixamos á horta e recoller a colleita de leitugas e preparamos uns roliños de primavera. A receita é moi sinxela, só temos que lavar ben as follas das leitugas e logo engadimos o queixo e o xamón ou pavo. Estaban moi ricos!
O luns, 5 de xuño, celebramos o Día do Medio Ambiente. Foi un día especial, as afilladas e os afillados lectores de 3 anos, coa axuda dos padriños e das madriñas de terceiro, plantamos unha árbore froiteira no patio do colexio. Este ano a árbore que plantamos foi un aguacate, orixinaria de América Central que dá uns froitos con casca verde e polpa moi nutritiva e aceitosa que son moi ricos en ensalada.
O alumnado do centro realizou unha recollida de lixo no patio do colexio e ao finalizar viñeron ver a árbore que plantaron os nenos e as nenas de 3 anos.
Hoxe toca horta, imos arrincar malas herbas, preparar a terra, plantar leitugas e tomates, regar e revisar o caracol das oromáticas. Canta tarefa por facer!
