ADIVIÑADES O QUE IMOS FACER AQUÍ?

Hoxe estivemos traballando durpo no horto... Tivemos unha gran idea e imos levala á práctica!
A ver se adiviñades que sementamos aquí e que é o que queremos construir coas plantas desas sementes.
Poñede as vosas cabeciñas a traballar!

Marcamos un círculo no chan

Levantamos o surco circular

Puxemos varias sementes dunha pranta...

PILÚ, PILÚ E A MAXIA DA NATUREZA

Hoxe os alumnos dende Infantil ata 4º asistiron a unha moi especial sesión de contacontos. Xiana, de 2º, fíxonos disfrutar moitísimo coa súa posta en escea para contarnos Pilú, Pilú.

A historia fálanos das relacións que se establacen entre os animais du n xeito natural. Neste caso, entre un enorme crocodilo e un pequeno paxarino... Sabíades que se fan falta mutuamente?

A posta en escea foi do máis orixinal: ela converteuse no paxarino e narrou con moito xeito, fixo as voces das personaxes, púxonos a todos a cantar con ela...

 Parabéns para unha pequena , gran contista!

TRANSPLANTAMOS MILLO E SEMENTAMOS PORROS NO HORTO

Os nenos e nenas de tres anos somos todos uns ratiños de campo e encántanos ir ao canizo coller millo. Tanto é así que estamos inmersos nun proxecto sobre o mesmo. Sementámolo reutilizando botellas de plástico e observamos como crecía no aula. Do gran de millo saíron raíces e un talo con folliñas.

Hoxe fomos ao noso horto para transplantalo e, de paso, levamos máis grans de millo e plantámolos a ver que acontecía.

Tamén recollemos terra da horta e fixemos un sementeiro de PORROS. Botamos algunhas sementes nunha botella de plástico transparente para observar como crece o porro.

Ademais esta semana Lois trouxo a clase pepitas de xirasol e decidimos plantalas. Reutilizamos botes de iogur e, na clase, enchémolos con terra que colleramos previamente no horto e enterramos as pepitas. A ver se nos sae algún...

PRODUCTOS SANOS E NATURAIS

O noso horto e todo o traballo que levamos feito ata agora comezan a dar os seus froitos. Mirade!

Estamos encantados! Este traballo merece paga moito a pena!

UN PEQUENO INVERNADOIRO FEITO POR NÓS

Hoxe estivemos traballando duro no noso horto... Canto nos da que facer!
Fixemos un pequeno invernadoiro. Mirade ben o paso a paso:

1º - Puxemos as cañas para facer a estructura

2º - Atamos as cañas con bridas para reforzar a estructura

3º - Traballando xuntos foi máis doado

4º - Despois colocamos o plástico por enriba

5º - Colocamos ladrillos nun lateral para pechalo

6º - Regamos os nosos sementeiros de cebolas e tomates

7º - Enganchamos o plástico ás cañas con bridas 

8º - Pechamos tamén polo outro lado e suxeitamos con ladrillos

Este foi o resultado final :)

SEMENTANDO LEITUGAS EN 1º

Hoxe baixamos a nosa horta a sementar leitugas Catro Estacións.
Con terra, humus, sementes e auga, só esperamos que coa luz suficiente medren as plantiñas para podelas plantar na horta, como fixeron os de 5 anos.

Sementando leitugas - Kizoa Movie Maker

SEMENTAMOS LEITUGAS NA AULA DE 5 ANOS

Fai uns meses a aula de 5 anos empezou a investigar na nosa hortiña.

Logo de facer unha vendima e estar producindo vinagre a partir das uvas queríamos plantar algo para poder probalo. Por ese motivo, sementamos leitugas e fai uns días replantámolas .

Pasámolo xenial!!

ENTREVISTA EN VÍA RADIO

Fai uns días viñeron o colexio os presentadores de Buenos Vías Charlie, de Vía Radio, e fixéronnos moitas preguntas sobre o noso horto. Se queres escoitalos clica nos seguintes enlaces:

UN ENTROIDO ADICADO AO NOSO HORTO

Este ano, coma todo o que sucede no cole, o Entroido tamén estivo relacionado co horto que estamos a traballar.
Cada un dos ciclos escolleu un disfraz e os alumnos os fixeron eles memos. Fixádevos bennos detalles, porque o resultado foi espectacular!

Educación Infantil foi disfrazada de BICHIÑOS DA HORTA:

Ratiños e ratiñas da nosa horta

Xoaniñas da nosa horta

Abelliñas que polinizan as flores na nosa horta

Os alumnos e alumnas do 1º Ciclo vestíronse de ESPANTALLOS:

Os espantallo de 1º dándolle cor ao noso horto

Espantallos de 2º protexendo as nosas plantas

Os LABREGOS dos 2º Ciclo traballaron moito:

Labregos e labregas tras sachar, sementar, regar... o noso horto

Os maiores, do 3º Ciclo, foron os PAXAROS que queren acabar coa nosa colleita:

Paxariños de cores de 5º

Paxariños de 6º aniñando no noso horto

Os profes tamén participaron. Disfrazáronse de CAMPESINAS de toda a vida:

Profes antes de poñerse mans a obra

O NOSO MECO MANDA... ABANDOAR OS HERBICIDAS E OS TRANXÉNICOS

Este é o  Meco do noso Entroido. Como este ano todo está relacionado co horto, o Meco non podía ser menos.

Este andel cheo que trnxénicos, herbicidas e insecticidas non o queremos no noso cole, así que será destruído o día que remate o Entroido. Gústavos?

Dende este luns dar´ña as ordes para vir con complementos de disfraz durante toda a semana... Será moi divertido!

OS NENOS DE 3 ANOS TAMÉN TRABALLAN NO HORTO

Aquí vos deixamos unhas imaxes dos alumnos máis pequenos do cole traballando no noso horto.
Prepararon a terra para sementar perixil e prantaron frambuesas... Están para comelos!