OS LEGUMES MEDRAN

     Estamos vixiando os cultivos que temos no horto. Regamos no invernadoiro e tamén as plantas que están en tarros no exterior. É moi agradable ver como medran os legumes!

Xa temos a proteína para cando fagamos o caldo!

TAREFAS DO HORTO

   Seguimos cos traballos e coidados da horta, regar, retirar as herbas invasoras, revisar as plantiñas, vixiar as aromáticas ... e estamos a ver como medran e se poñen máis lindas.

    Tamén coidamos das froiteiras e ornamentais que se atopan no exterior e regamos a terra para que poidan medrar e dar froitos.

Temos que regar e arrincar as herbas invasoras!

HORTALIZAS E HERBAS AROMÁTICAS

     Xa iniciamos as tarefas no horto. Plantamos varios tipos de  hortalizas no invernadoiro: pementos, tomates, leitugas, kale, brócoli ...  arrincamos as malas herbas nos bancais do interior e algunhas no exterior. Tamén imos plantar aromáticas e ornamentais. Despois de preparar o terreo plantamos as  hortalizas, regamos e recollemos as ferramentas de traballo. 

Pouquiño a pouco creamos o noso horto!

PROXECTO APICULTURA E MEDIO AMBIENTE

     Hoxe visualizamos en vivo e en directo a vida das abellas dentro dunha colmea grazas aos pais de Anxo e Diego de primeiro curso. Amosáronnos os utensilios que empregan para limpar a colmea, retirar o mel e cuidar das abellas. Resultou moi interesante!

Moitas grazas por compartir con nós esta información sobre as abellas! Unha aperta!

5 DE XUÑO, DÍA DO MEDIO AMBIENTE

  Hoxe celebramos o Día do Medio Ambiente plantando na horta e limpando de herbas o caracol de aromáticas. Ao final regamos ben a terra e recollemos restos de plástico que había entre a maleza.

Sempre estaremos dispostos a axudar e a protexer a natureza!

PROXECTO REVITALIZA

        O venres estivemos a investigar que bechos viven na terra da horta e nos restos da composteira. A simple vista parece que non están pero se oabsevamos con coidado podemos ver moitos seres que viven transformando os restos vexetais e alimentarios en compost para a nosa horta.  Con axuda das lupas e dos microscopios puidemos visualizar moitas características destes seres vivos

      Antón, o monitor do Programa Revitaliza, amosounos moitos dos bechos que viven na terra e falounos da importancia que ten a actividade que realizan.  

Premer na imaxe para visualizar a montaxe!

   
                      É moi interesante investigar sobre os animais que viven na composteira. 

Roliños de primavera

  Hoxe baixamos á horta e recoller a colleita de leitugas e preparamos uns roliños de primavera. A receita é moi sinxela, só temos que lavar ben as follas das leitugas e logo engadimos o queixo e o xamón ou pavo. Estaban moi ricos!

Leitugas e tomates da horta!

Premer na imaxe para visualizar!